MTK SAF 2023-ün Rəsmi Tərəfdaşı oldu

Azərbaycanın ən mühüm texnologiya festivalı olan SAF 2023- Beynəlxalq STEAM Azərbaycan Festivalının  rəsmi tərəfdaşı olduğumuzu elan etməkdən qürur duyuruq.

SAF (STEAM Azerbaijan Festival) 2023 – Təshil Nazirliyinin dəstəyi ilə STEAM Azərbaycan layihəsi çərçivəsində ölkənin və dünyanın təhsilalanları üçün artıq üçüncü dəfə keçiriləcəkdir.  

STEAM Azərbaycan Festivalında 14 kateqoriya və bir sərgi üzrə yarışlar təşkil olunacaq.

Əsas məqsədimiz keçirildiyi müddət ərzində müxtəlif ideyaların reallaşdırılması, fərqli həll yollarının araşdırılması, istedadlı şagirdlərin üzə çıxarılması, biliklərin və bacarıqların qazanılması, təhsilalanların yeni əməkdaşlıqları üçün şərait yaratmaqdır.

Dünyada bu istiqamətdə yarış və olimpiadalarda iştirak etmək üçün yerli olimpiadaların təşkili, sistemli və mərkəzləşdirilmiş şəkildə ilkin seçim və hazırlıq imkanı yaradacaqdır. Onu da qeyd edək ki, dünyada keçirilən bu tip yarışlarda şagirdlər və məktəblər xüsusi olaraq qatılırlar. Prosesə mərkəzləşdirilmiş şəkildə yanaşma daha yaxşı nəticələr əldə etməyə imkan yaradacaq. Bu cür tədbirlərin keçirilməsi həmin sahənin ölkə üzrə tətbiqi və genişlənməsi baxımından da effektivdir.

Ətraflı məlumat: https://saf.steam.edu.az/az