Vizyon, Missiya,Dəyərlər
Vizyon
MTK balanslaşdırılmış həyat, uğurlu karyera və dinc dünya üçün öz milli irsini və ümumbəşəri dəyərləri özündə təcəssüm və inkişaf etdirən beynəlxalq mədəniyyətlərarası bacarıqlı şəxslər yetişdirir. Biz şagirdlərin öz həmyaşıdları, müəllimləri, ailələri və dostları və onların potensialına inanan, onların böyüməsini təşviq edən və təhsilin hər mərhələsində onların yanında olan daha geniş ictimaiyyət tərəfindən özlərini dəyərli, bir-birinə bağlı və dəstək olunduqlarını hiss etdikləri təhsil mühitini yaratmaqda qətiyyətliyik.
Missiya
MTK Azərbaycan kontekstində məsuliyyətli, hörmətcil, bacarıqlı, hazırcavab, refleksiv olub ümumbəşəri dəyərləri ürəkdən və özünəinamla təşfiq edən hərtərəfli və müstəqil öyrənənlər yetişdirməyə çalışan beynəlxalq mükəmməllik mərkəzidir. Biz təhlükəsiz mühitdə akademik və intellektual inkişafı, rəqəmsal savadlılığı, əməkdaşlıq bacarıqlarını, fiziki sağlamlığı, sosial və emosional rifahı inkişaf etdirmək üçün nəzərdə tutulmuş geniş çeşiddə fənn və proqramlar təqdim edirik.
Dəyərlər
- Məqsədyönlü fərdlər — Şəxsi və akademik məqsədlərinə sadiq qalan, daim yüksək nəticələr əldə etməyə və özünü təkmilləşdirməyə çalışan fərdlər yetişdiririk.
- Mədəniyyətlərarası səriştə — Müxtəlif mədəniyyətləri anlamağı və onlara hörmətlə yanaşmağı təşviq edir, şagirdlərə qarşılıqlı əlaqələrin sıx olduğu dünyada fəaliyyət göstərmək və töhfə vermək üçün zəruri bacarıqlar qazandırırıq.
- Milli irs — Milli irsimizə hörmətlə yanaşır və onu qoruyuruq. Qlobal baxışlara açıq olmaqla yanaşı, şagirdlərdə milli-mədəni kimliklərinə görə qürur hissi formalaşdırırıq.
- Ümumbəşəri dəyərlər — Hörmət, empatiya və dürüstlük kimi ümumbəşəri dəyərləri təşviq edir, bu prinsipləri hər bir davranışında rəhbər tutan icma formalaşdırırıq.
- Balanslı həyat — Şagirdlərin təhsil, şəxsi maraqlar və sosial münasibətlər arasında tarazlıq yaratmalarına dəstək göstəririk.
- Dəyərli hiss etmək — 1-ci variant — Etnik mənsubiyyətindən, yaşından, cinsindən, dinindən, cinsi oriyentasiyasından, iqtisadi vəziyyətindən və digər fərdi xüsusiyyətlərindən asılı olmayaraq, hər bir şagird özünü dəyərli hiss etməlidir.
- Dəyərli hiss etmək — 2-ci variant — Hər bir şagirdin özünü dəyərli hiss etməsini təmin edir, etnik mənsubiyyətindən, yaşından, cinsindən, dinindən, cinsi oriyentasiyasından, iqtisadi vəziyyətindən və digər fərdi xüsusiyyətlərindən asılı olmayaraq, onun özünəməxsus kimliyini və töhfələrini qəbul edir və dəyərləndiririk.
- İcma ilə bağlılıq — Şagirdlərin, müəllimlərin, ailələrin və dostların əməkdaşlıq etdiyi, bir-birinə dəstək göstərdiyi bir icma qurur, aidiyyət hissini və qarşılıqlı hörməti gücləndiririk.
- Hərtərəfli inkişaf edən şagird — Şagirdlərin akademik nailiyyətlərlə yanaşı, fiziki, sosial və emosional baxımdan da hərtərəfli inkişaf etmələrini hədəfləyirik.
- Müstəqil öyrənən şagird — Şagirdlərin tənqidi düşünən, özünü motivasiya edən və öz təhsilinə məsuliyyətlə yanaşan müstəqil öyrənənlər kimi formalaşmalarına dəstək göstəririk.
- Məsuliyyətli şagird — Şagirdlərdə məsuliyyət hissi formalaşdırır, onları öz hərəkətlərinə görə cavabdehlik daşımağa və cəmiyyətə müsbət töhfə verməyə təşviq edirik.
- Hörmətlə yanaşan şagird — Şagirdlərin hər bir insanın ləyaqətini və dəyərini qəbul etməyi, başqalarına mehribanlıqla və diqqətlə yanaşmağı öyrəndikləri qarşılıqlı hörmət mühiti yaradırıq.
- Çıxış yolu tapan şagird — Şagirdlərin yaradıcı həllər tapmaq və yeni çətinliklərə səmərəli şəkildə uyğunlaşmaq bacarıqlarını inkişaf etdiririk.
- Həssas və təşəbbüskar şagird — Şagirdlərə başqalarının ehtiyaclarına həssas və təşəbbüskar olmağı öyrədir, ətraflarında baş verənlərdə fəal iştirak etmələrini, dəyişən şəraitə uyğunlaşmalarını və müvafiq addımlar atmalarını təşviq edirik.
- Özünü qiymətləndirən şagird — Öz inkişafını müntəzəm qiymətləndirən, güclü tərəflərini və təkmilləşdirməli olduğu sahələri müəyyənləşdirən, davamlı şəxsi inkişafa çalışan şagirdlər yetişdiririk.
- Akademik inkişaf — Akademik inkişafı prioritet hesab edir, şagirdlərin intellektual potensiallarını tam reallaşdırmaları üçün yüksək tələblərə əsaslanan və müxtəlif təhsil imkanları təqdim edirik.
- İntellektual inkişaf — Şagirdlərin intellektual inkişafını dəstəkləyir, onlarda maraq, tənqidi düşüncə və ömürboyu öyrənmə sevgisini gücləndiririk.
- Rəqəmsal savadlılıq — Rəqəmsal savadlılığın əhəmiyyətini vurğulayır, şagirdləri getdikcə rəqəmsallaşan dünyada texnologiyadan səmərəli və məsuliyyətli şəkildə istifadə etməyə hazırlayırıq.
- Əməkdaşlıq bacarıqları — Şagirdlərə komandada səmərəli işləməyi, aydın ünsiyyət qurmağı və müxtəlif baxışları dəyərləndirməyi öyrədərək əməkdaşlıq bacarıqlarını inkişaf etdiririk.
- Sosial və emosional rifah — Sosial və emosional rifahı prioritet hesab edir, emosional intellekti, psixoloji dayanıqlılığı və sağlam münasibətləri inkişaf etdirən dəstəkləyici mühit yaradırıq.
- Təhlükəsiz mühit — Şagirdlərin özlərini təhlükəsiz hiss etdikləri, hörmət gördükləri və fikirlərini sərbəst ifadə edə bildikləri bir mühit təmin edir, səmərəli öyrənməni və şəxsi inkişafı dəstəkləyirik.
MTK məzununun profili
Bizim üçün çox vacibdir ki, şagirdlərimiz:
- İrsinə və mili mənəvi dəyərlərinə hörmət edən əsl Azərbaycan vətəndaşı kimi yetişsin;
- Akademik cəhətdən ən yüksəyinə nail olsun;
- Ən azı iki dildə tam akademik biliyə yiyələnərək asanlıqla ali məktəb və gələcək karyera seçimi etməyə imkanları olsun;
- Səriştəli və yenilikçi olsun;
- Peşəkarlıqla ünsiyyət qursun, yaradıcı, tənqidi düşünərək üzləşdiyi problemləri asanlıqla həll etsin;
- Fiziki və emosional cəhətdən sağlam yetişsin.
