Elm və Təhsil Nazirliyinin dəstəyi və “STEAM Azərbaycan” layihəsinin təşkilatçılığı ilə 24-25 oktyabr tarixlərində Bakı Ekspo Mərkəzində Beynəlxalq Yaşıl STEAM Azərbaycan Festivalı keçirildi.

Festivalın keçirilməsində əsas məqsəd STEAM əsaslı tədrisin təşviqi, təhsilalanlar arasında XXI əsr bacarıqlarının inkişaf etdirilməsi, yaradıcı təhsilalanların aşkara çıxarılması idi. Həmçinin, BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) Azərbaycanda keçirilməsi və 2024-cü ilin ölkəmizdə “Yaşıl dünya naminə həmrəylik ili” elan edilməsi ilə əlaqədar STEAM əsaslı yanaşmanın tətbiqi əsas məqsədlər sırasında idi.

Yaşıl STEAM Azərbaycan Festivalında komandalar ətraf mühitin sağlamlaşdırılması, su ehtiyatlarından və alternativ enerji mənbələrindən səmərəli istifadəyə dair innovativ həllər təklif edən layihələr hazırladılar, yarış sahəsində bütün məharətlərini göstərdilər.

Komandalarımızın qürurverici nəticələrini elan etməkdən qürur duyuruq! 
Tech Titans MTK (EcoCoding kateqoriyası üzrə) - Dizayn mükafatı, 
Eco Visionaries MTK (VidX kateqoriyası üzrə) - III yer, 
Hidrowave MTK (H2 Grand Prix kateqoriyası üzrə) - İnnovasiya mükafatı qazanmışdır!

Şagirdlərimizi və onların mentorlarını təbrik edir, onlara yeni nailiyyətlər arzu edirik!