Beynəlxalq kurikulum

Heydər Əliyev adına Müasir Təhsil Kompleksinin (MTK) beynəlxalq bölməsinin orta təhsil pilləsində 11-18 yaşlı şagirdlər yüksək keyfiyyətli təhsil almaqla yanaşı, qayğı və sevgi ilə əhatə olunurlar.

Beynəlxalq nüfuzlu Kembric kurikulumları (Kembric orta məktəb pilləsinin aşağı sinifləri, Kembric orta məktəb pilləsinin yuxarı sinifləri və Kembric yüksək səviyyə (A-level)) təhsil proqramımızın mərkəzində durur.  Orta məktəbin aşağı və yuxarı sinifləri üçün kurikulum və Kembric Advanced kurikulumlarını əsas təhsil proqramları kimi tədris edirik. MTK-da istifadə olunan Kembric proqramları beynəlxalq kontekstə uyğunlaşdırılmışdır və Azərbaycanın Milli Kurikulum tələblərini də özündə ehtiva edir. Dərslərin böyük əksəriyyətinin ingilis dilində tədris olunmasına baxmayaraq, ingilis dilində olan tədris ilə Azərbaycan dilində olan tədris arasında yerli və əcnəbi şagirdlərin ehtiyaclarına yönəlmiş incə fərqlər özünü göstərir.
Yerli ölkə şagirdlərini öz milli kimliklərilə fəxr etməyə, eləcə də ana dilində səlis danışmağa həvəsləndirmək üçün biz Kembric kurikulumunu Azərbaycan dili, yerli kurikuluma uyğun riyaziyyat, Azərbaycan tarixi və Azərbaycan coğrafiyası kimi icbari fənlərlə birləşdirmişik. MTK-da tam orta təhsilini müvəffəqiyyətlə başa vuran bütün şagirdlər attestat alırlar. Azərbaycana dair, eləcə də regional və qlobal əhəmiyyətə malik mövzular və tarixi hadisələr tədrisdə, həmçinin məktəbin tədbirlər təqvimində öz əksini tapır.

Əcnəbi şagirdlərə intensiv Azərbaycan dili dərsləri əvəzinə, ingilis dilində seçmə fənlər təklif olunur.

10-cu sinif və 11-12-ci sinif şagirdlərinin təhsili IGCSE, AS və A-Level (AS/A-səviyyə) imtahanlarının verilməsi ilə tamamlanır. Bu ixtisaslar Azərbaycanda və xaricdə geniş şəkildə tanınır və dünyanın ən yaxşı universitetlərinə daxil olmağa imkan verir.

Orta məktəbdə tədris olunan fənlər:

• İngilis dili
• Fərdi, sosial, sağlamlıq və iqtisadi təhsil (PSHE) - RULER
• Riyaziyyat  (Həm Kembric, həm də yerli kurikulum əsasında)
• Azərbaycan dili
• Müasir xarici dillər (fransız dili, alman dili, ərəb dili və rus dili)
• Biologiya, kimya və fizika
• STEAM (Elm, texnologiya, mühəndislik, incəsənət və riyaziyyat)
• Dünya tarixi və Azərbaycan tarixi
• Coğrafiya
• İKT və Kompüter elmi
• Biznes elmləri və iqtisadiyyat
• Sosiologiya
• Musiqi
• Təsviri incəsənət
• Fiziki tərbiyə  (burada idman, oyunlar və əlavə olaraq da üzgüçülük klub kimi təklif olunur)

IGCSE, AS və A səviyyələri nə üçündür və harada tanınır?

Kembric beynəlxalq ümumi orta təhsil sertifikatları (IGCSEs) 14-16 yaşlı şagirdlər üçün dünyanın ən qabaqcıl kvalifikasiyası hesab olunur və şagirdlərə demək olar ki, hər hansı digər beynəlxalq kvalifikasiyadan daha çox seçim imkanı verir. 

Şagirdlər ingilis dili, riyaziyyat, bir neçə təbiət fənni, bir və ya daha çox müasir xarici dil, müxtəlif humanitar fənləri öyrənirlər. Adətən şagirdlər yeddi-doqquz arası IGCSE fənni seçirlər.

IGCSE haqqında ətraflı məlumatı bu keçiddən və  Kembric Qiymətləndirmə Beynəlxalq Təhsil saytından əldə etmək mümkündür.

"Cambridge Advanced və Advanced Subsidiary Level" (A və AS səviyyələri) 16-19 yaşlı şagirdlər üçün dünyanın ən nüfuzlu kvalifikasiyası hesab olunur.

Bunlar universitetə qəbul üçün “qızıl standart” sayılır, Azərbaycanda və xaricdə geniş şəkildə qəbul edilir. AS və A-səviyyələri üzrə təhsil almaq fənləri dərindən anlamağa və müstəqil düşünmə bacarıqlarını inkişaf etdirməyə kömək edir.

AS səviyyəsini tamamlamaq üçün bir il, A səviyyəsi üçün isə iki il tələb olunur. A səviyyəsinin üstünlüyü odur ki, daha dərin bilik verməklə yerli və ya xarici universitetdə Təməl kursunu keçmədən birbaşa bakalavr təhsilinin birinci kursuna qəbul olunmağa imkan verir. A-səviyyəsini tamamlayan şagirdlərdən universitetə qəbul zamanı IELTS və ya digər buna ekvivalent ingilis dili sertifikatı təqdim etmək adətən tələb olunmur.

Şagirdlər əsasən özlərinin güclü tərəflərinə və maraqlarına əsaslanan, həm də gələcək karyera seçimlərini dəstəkləyən üç-dörd fənni seçib, onları dərindən öyrənirlər. 

AS və A səviyyələri haqqında ətraflı məlumatı bu keçiddən  və Kembric Qiymətləndirmə Beynəlxalq Təhsil saytından da əldə edə bilərsiniz.
Kembric kvalifikasiyalarının dünya üzrə hansı məktəb və universitetlər tərəfindən tanındığı və qəbul edildiyi ilə bağlı xüsusi məlumatı bu keçiddən tapa bilərsiniz.

PSHE və RULER nədir?

Yale Emosional İntellekt Mərkəzinin RULER (Sosial Emosional Təlim) proqramı şagirdlərin PSHE (Fərdi Sosial Sağlamlıq İqtisadi Təhsil) dərslərinin əsas məzmununu təşkil edir.

RULER Yale Emosional İntellekt Mərkəzi tərəfindən hazırlanmışdır, Sosial və Emosional Öyrənmə (SEÖ) üçün nəzərdə tutulmuş tədqiqat əsaslı yanaşmadır. RULER proqramı bütün məktəb icmasının - heyət, şagird və valideynlərin mental rifahını aşağıdakı yollar vasitəsilə dəstəkləyir: 

· Emosiyaların dəyərini anlamaq
· Emosional intellekt bacarıqlarını formalaşdırmaq
· Pozitiv məktəb mühiti yaratmaq və həmin mühiti qoruyub saxlamaq
Biz Azərbaycanın ilk (hal- hazırda yeganə) RULER məktəbi olmaqdan qürur duyuruq!
 
Məktəb mühitinə və MTK-dakı bütün münasibətlərə bütünlükdə nüfuz edən RULER yanaşması haqqında ətraflı məlumat almaq üçün aşağıdakı keçiddən istifadə edə bilərsiniz:  https://www.rulerapproach.org/  

Orta məktəbdə liderlik proqramları

Müasir Təhsil Kompleksi şagirdlərimizdə liderlik bacarıqlarını inkişaf etdirən bir sıra proqramlar təklif etməkdən qürur duyur, məsələn, Birləşmiş Millətlər Təşkilatının Modeli klubu, konfranslar və Belnəlxalq Edinburq Hersoqu Mükafatı.

Bunlar şagirdlərdə güclü öyrənmə bacarıqları formalaşdırmaqla yanaşı, universitetlərə müraciət prosesi üçün ideal zəmin yaradır, belə ki, getdikcə daha çox universitet şagirdlərdən əsas akademik kurrikulum götəricilərindən əlavə kurikulumdankənar fəaliyyətlər sahəsində də nailiyyətlər tələb edir.

Orta məktəbin strukturu və müəllim heyəti 

Sinif rəhbərləri adətən yerli ölkə vətəndaşlarıdır; əcnəbi və yerli müəllimlər isə fənn üzrə mütəxəssislər kimi fəaliyyət göstərirlər. 

Əlavə məlumat əldə etmək üçün Beynəlxalq Bölmə - Orta məktəbin idarəetmə heyəti bölməsinə nəzər yetirə bilərsiniz.

İngilis dilini ikinci və ya əlavə dil kimi danışan şagirdlərin ehtiyaclarının ödənilməsi

MTK Azərbaycan dili ana dili olan ölkədə yerləşən,  beynəlxalq düşüncəyə sahib olan məktəbdir; müəllim heyətimiz müxtəlif şagird  qrupları üçün əlçatan olan ingilis dilində dərsləri tədris edən mütəxəssislərdir.

Biz bu məqsədimizə müxtəlif qabiliyyətlərə malik olan şagirdlərə diferensiallaşdırılmış tapşırıqlar verməklə, ikili dil resursları təqdim etməklə, praktik və təcrübəyə əsaslanan təlimdən məqsədyönlü istifadə etməklə, bəzi şagirdlər üçün əlavə dərslər təyin etmək və bir sıra müxtəlif yollarla nail oluruq.

Övladınızın tədris aldığı  bölmədə (məktəbəqədər, ibtidai, orta) əsas müəllim heyətindən əlavə, məktəbdə ingilis dili ikinci dil kimi və öyrənməyə dəstək (ESL & LS) koordinatoru, əlavə ingilis dili və öyrənməyə dəstək müəllimlərindən ibarət  təcrübəli komanda məktəbəhazırlıq səviyyəsindən başlayaraq 8-ci sinfə qədər şagirdlərin nailiyyətlərini ən qısa müddətdə onların yaşına müvafiq  səviyyəyə yüksəltmək məqsədilə əlavə dərslər təşkil edir, şagirdlərə lazımi dəstək göstərirlər.

Zəhmət olmasa, daha ətraflı məlumat üçün qəbul şöbəsinin və ya akdemik idarəetmə heyətinin əməkdaşlarına müraciət edəsiniz.

Qiymətləndirmə 

• Beynəlxalq bölmənin orta təhsil pilləsinin 8-ci (IGCSE-dən əvvəl) sinif şagirdlərinin müvəffəqiyyəti Kembric qiymətləndirmə sisteminin Checkpoint imtahanları vasitəsilə yoxlanılır;
• Kembric qiymətləndirmə sisteminin IGCSE və AS/A-səviyyə imtahanları icbari və universitetdən öncəki təhsilin beynəlxalq akkreditasiyasını təmin edir;
• Azərbaycanın tam orta təhsil haqqında attestatını almaq üçün sınaq və dövlət imtahanları verilir (yalnız Azərbaycanlı şagirdlər üçün);
• Bütün əsas fənlər üzrə şagirdlərin inkişafını onların yaşlarına uyğun gözləntilərə əsasən müntəzəm olaraq yoxlamaq üçün standartlaşdırılmış testlərdən istifadə olunur;
• Şagirdlərin biliklərini dünyanın digər yüksək səviyyəli məktəblərindəki həmyaşıdları ilə müqayisə etməyə imkan verən rəqəmsal qiymətləndirmə vasitələrindən istifadə olunur (məsələn, GL qiymətləndirmə);

• Öyrənmə ilə əlaqəli davranışın qiymətləndirilməsi (şagirdin münasibətinin, diqqətinin, sosial, qrupda işləmə və s. bacarıqlarının müəllim tərəfindən qiymətləndirilməsi) iki həftədən bir aparılır;
• Semestr ərzində iki dəfə valideyn iclasları keçirilir;
• Semestr ərzində bir dəfə valideynlərə şagirdlərin qiymətləri və izahlı rəylər də daxil olmaqla ətraflı yazılı hesabatlar təqdim edilir;

İmtahanlar və kvalifikasiyalar

Beynəlxalq bölmənin orta təhsil pilləsində təhsil alan şagirdlər aşağıdakı cədvəldə göstərilən xarici akreditasiya almış imtahanları verirlər:

* Azərbaycanlı şagirdlər üçün məcburi, digərləri üçün könüllüdür.

Niyə MTK?

MTK-nın Beynəlxalq kurikulumunu fərqləndirən xüsusiyyətlər:

• “Cambridge Assessment International Education” tərəfindən beynəlxalq səviyyədə akreditasiya olunmuş imtahanlar  şagirdlərə ölkəmizdə və xaricdə ən yaxşı universitetlərə daxil olmaq imkanı verir;
• 9, 11 və 12-ci sinif şagirdləri üçün IGCSE və AS/A-səviyyə imtahanlarını seçmək imkanı;
• hər bir şagirdə xüsusi diqqət və fərdi potensialın inkişafı;
• peşəkar əcnəbi və yerli mütəxəssislər tərəfindən yüksək keyfiyyətli tədris;
• hər bir sinifdə interaktiv lövhələrlə tam təchiz olunmuş müasir tədris mühiti; STEAM, fiziki tərbiyə, təsviri incəsənət və təbiət fənlərinin tədrisi üçün xüsusi avadanlıqlı otaqlarla təmin edilməsi;
• həm əyani, həm də e-mtk jurnalı vasitəsilə şagirdlərin şəxsi inkişafı və təlim nəticələri ilə bağlı müntəzəm olaraq yüksək keyfiyyətli rəylərin verilməsi;
• dərnəklər, liderlik proqramları və ictimaiyyətlə əlaqəli layihələr də daxil olmaqla zəngin məktəbdənkənar proqramın təqdim edilməsi;
• valideynlərin də müntəzəm iştirak etmək imkanları olan maraqlı tədbirlərin, öyrədici ekskursiyaların təşkil olunması;
• Yale Mərkəzinin Emosional İntellekt üzrə RULER proqramı vasitəsilə sosial və emosional bacarıqların sistemli şəkildə öyrədildiyi pozitiv emosional mühitin təmin edilməsi

Biz tədris proqramımızı şagirdlərimizin MTK-da öz təhsillərini yüksək səviyyədə başa vurması və gələcəkdə geniş imkanlara sahib olması üçün hazırlamışıq. 

MTK məzunları akademik ingilis dilində, eləcə də öz ana dilində yüksək səviyyədə danışa biləcək və bu da onlar üçün həm vətəndə, həm də xarici ölkələrdə təhsil və karyera baxımından bir sıra geniş imkanlara qapı açacaqdır!

Ətraflı məlumat: +994552028401
Qeydiyyat: https://www.mtk.edu.az/az20/
Elektron poçt ünvanı: admissions@mtk.edu.az