Heydər Əliyev adına Müasir Təhsil Kompleksinin yeni İcraçı Direktorunu (CEO) təqdim etməkdən məmnunluq duyuruq. Təyinatından əvvəl Kompleksimizdə 5 il müddətində “Biznes və əməliyyatlar üzrə menecer” vəzifəsində çalışan Tural Abbasov təhsil idarəetməsində geniş təcrübə və innovativ yanaşmaya malikdir.  
Tural Abbasov Azərbaycanda beynəlxalq layihələrdə və özəl sektorda 20 illik iş təcrübəsinə, son 8 il ərzində isə işlədiyi özəl məktəblərdə biznesin inkişafı sahəsində peşəkar təcrübəyə malikdir. Təhsil sahəsindəki fəaliyyətindən əvvəl Tural bəy korporativ fandreyzinq, məşğulluq və icma inkişafı sahələrində dəyərli təcrübə qazanmışdır. O, “Öz biznesini qur və təkmilləşdir” mövzusunda Beynəlxalq Əmək Təşkilatı (ILO) kursları üzrə sertifikatlı ustad təlimçidir və müxtəlif liderlik, kouçinq proqramlarını uğurla tamamlamışdır. Qeyd edilən proqramları aşağıdakı siyahıda təqdim edirik: 

• Strateji Kommunikasiyalar (Müəllimlər Kolleci, Kolumbiya Universiteti, NYC) 
• Öyrənmə Elmi (Müəllimlər Kolleci, Kolumbiya Universiteti, NYC) 
• Beynəlxalq Məktəblərdə Maliyyə (Müəllimlər Kolleci, Kolumbiya Universiteti, NYC) 
• Beynəlxalq Məktəblərdə Hüquq (Müəllimlər Kolleci, Kolumbiya Universiteti, NYC) 
• Müstəqil Məktəb Rəhbərliyində Dinləmə və Sistemli Düşüncə (Müəllimlər Kolleci, Kolumbiya Universiteti, NYC) 
• Qarışıq Öyrənmə Mühitlərində Təhsil Texnologiyası və Liderlik (Müəllimlər Kolleci, Kolumbiya Universiteti, NYC) 
• Etika və Təhsil (Müəllimlər Kolleci, Kolumbiya Universiteti, NYC) 
• Müstəqil Məktəblərdə Məlumat, Sübut və Tətbiqi Tədqiqat (Müəllimlər Kolleci, Kolumbiya Universiteti, NYC) 
• Müstəqil Məktəblərdə Transformasiyalı Dəyişiklik (Müəllimlər Kolleci, Kolumbiya Universiteti, NYC) 
• PTC (London) tərəfindən Beynəlxalq Məktəblərdə Maliyyə kursu 
• SOS Uşaq Kəndləri (Berlin) tərəfindən dəstəklənən P&G tərəfindən hekayələr üzrə ustad dərsləri 
• Brian Tracy Team tərəfindən satış seminarı (Bakı) 
• Pearn Kandola tərəfindən biznes-psixologiya kursu (Amman, İordaniya) 
• Isaac Adizes Team tərəfindən Dəyişikliklərin İdarə Edilməsi Təlimləri (Bakı) 

Tural Abbasov Kolumbiya Universitetinin Müəllimlər Kollecində Özəl Məktəb Liderliyi Proqramında Təhsil üzrə Magistr (Ed.M.) dərəcəsi üzrə təhsil alır.  Onun “Təhsil Mütəxəssisi” dərəcəsinin (Ed.M.) əldə olunması üzrə ilk minimum tələblərdən biri olan kitab xülasəsi universitetin aylıq elektron jurnalında “Of Note” qrifi ilə dərc olunmuşdur. Kitab xülasəsinə aşağıdakı linkə keçid edərək nəzər sala bilərsiniz: https://www.klingensteincenter.org/klingbrief-issues/vol-123  
O, şagirdlərə yüksək keyfiyyətli təhsil verməyi qarşısına məqsəd qoyan peşəkar mütəxəssis olmaqla yanaşı, ailəsi ilə vaxt keçirməkdən, üzgüçülüklə məşğul olmaqdan, yemək bişirməkdən, kitab oxumaqdan zövq alan, qayğıkeş ata və həyat yoldaşıdır.