Heydər Əliyev adına Müasir Təhsil Kompleksi kompost təcrübəsini bu dəfə Zəngilan rayon Ağalı kənd məktəbində davam etdirir!
Ətraf mühitin qorunmasına və ekoloji davamlılığa töhfə vermək məqsədilə rəhbər və müəllim heyəti, daha öncə Füzuli rayon 1 nömrəli tam orta məktəbində tətbiq edilmiş kompost layihəsindən sonra Ağalı kənd məktəbinə səfər etdi. Burada şagirdlərin Qarabağın təbiətini bərpa və ekoloji davamlılığı əks etdirən layihələri ilə tanış oldular.
Daha sonra MTK şagirdləri tərəfindən hazırlanan təbii gübrə məktəb bağındakı bitkiləri qidalandırmaq üçün istifadə edildi. Bu əməkdaşlıq həm şagirdlərə, həm də müəllimlərə böyük ruh yüksəkliyi bəxş etdi.
Bu əməkdaşlığın davamlı olacağına inanır və ekoloji şüurun birgə gücləndirilməsinə dəstək verməyə hər zaman hazırıq!