Tanışlıq

Övladınızın təhsil alması üçün Heydər Əliyev adına Müasir Təhsil Kompleksini seçdiyiniz üçün sizə təşəkkür edirik.

Heydər Əliyev adına Müasir Təhsil Kompleksi şagirdləri qloballaşan dünyada layiqli yer tutmağa hazırlayan beynəlxalq tədris mərkəzidir. Kompleksimzdə 2 yaşdan 17 yaşa qədər olan uşaqlar məktəbəqədər, ibtidai və orta təhsil pillələri üzrə təhsil alırlar. 

Bizim başlıca məqsədimiz hər bir şagirdin daxili potensialını aşkara çıxarmaqla həm Azərbaycanda, həm də dünyanın istənilən yerində inamla irəliləməsinə dəstək olmaqdır.  

Heydər Əliyev adına Müasir Təhsil Kompleksi olaraq ən müasir tələblərə cavab verən kampusumuzda sizə yüksək keyfiyyətli tədris və məktəbdənkənar fəaliyyət proqramı təqdim edirik. 

Şagird qəbulu prosesi aşağıdakı mərhələlərdən ibarətdir: 

1. Onlayn müraciətlərin formasının tamamlanması
2. Qəbul qiymətləndirməsinin iştirak
3. Qeydiyyat və sənədləşmənin aparılması 

Sənədlər: 

Qəbul imtahanının uğurlu nəticəsi əsasında Kompleksimiz tərəfindən sizə yer təklif olunduğu halda təqdim etməli olduğunuz sənədlər aşağıdakılardır: 

1. Valideynlərin şəxsiyyət vəsiqələrinin surəti 
2. Şagirdin şəxsiyyət vəsiqəsinin surəti 
3. 3x4 ölçüdə 4 ədəd fotoşəkil 
4. Tibbi mübadilə vərəqi 

Ətraflı məlumat:

Mob: +994552028401  ; +994552086266 

E-poçt: admissions@mtk.edu.az 

Qeydiyyat:

https://www.mtk.edu.az/az20/

Qəbul buradan endirə bilərsiniz.

Müvafiq fazanın seçilməsi

 Kompleksimizin əsas üstünlüyü doğma vətənimizin zəngin tarixinə, dilinə, mədəniyyətinə olan dərin sevgini və hörməti özündə əks etdirməklə yanaşı, əsaslı beynəlxalq təhsil verməkdir.

• Məktəbəqədər təhsil- Erkən Yaşlar Təməl Mərhələsi (EYFS) proqramı üzrə: 2-5 yaş;
• Məktəbəhazırlıq- Kembric Beynəlxalq Proqramı üzrə: 5-6 yaş.
• İbtidai Məktəb- Kembric Beynəlxalq Proqramı üzrə: I-V siniflər
• Orta məktəb: 
  - Beynəlxalq Proqram - Kembric Beynəlxalq Proqramı üzrə: VI-XII siniflər;
  - Azərbaycan bölməsi - Milli Kurikulum üzrə: VIII-XI siniflər;
  - Rus bölməsi - Milli Kurikulum üzrə: VIII-XI siniflər

Şagirdlər aşağıdakı yaş meyarlarına əsasən müvafiq yaş qruplarına, yaş meyarları və son bitirdiyi sinif nəzərə alınmaqla müvafiq siniflərə yerləşdirilirlər:

Şagird qəbulu proseduru

Heydər Əliyev adına Müasir Təhsil Kompleksində:

• Uşaq bağçasına və məktəbəhazırlıq qrupuna qəbul pedaqoq və psixoloqla müsahibənin, ehtiyac olarsa sınaq gününün nəticələrinə əsasən aparılır;
• 1-ci sinfə qəbul pedaqoji heyət və psixoloqla müsahibənin nəticəsinə əsasən aparılır;
• 2-10-cu siniflərə qəbul imtahanı, ehtiyac olarsa psixoloq və xüsusi təhsil ehtiyacları üzrə mütəxəssis ilə müsahibənin, və/yaxud sınaq gününün nəticələrinə əsasən aparılır.

Şagird qəbulu prosesində iştirak

• Qəbul qiymətləndirməsinə dəvət almaq üçün Kompleksin veb səhifəsində göstərilən keçid vasitəsilə qeydiyyatdan keçmək lazımdır.
• Onlayn qeydiyyatdan keçdikdən sonra qısa zaman ərzində qəbul qiymətləndirməsinə dəvət üçün geri əlaqə yaradılacaq.
• Qəbul qiymətləndirməsindən sonra uğur qazanmış  namizədlərin hazırkı/əvvəlki təhsil aldığı müəssisələrə tövsiyə məktubları üçün müraciət edilə bilər.
• Qəbul qiymətləndirməsindən sonra 3 iş günü ərzində müsbət/şərti/mənfi nəticə telefon zəngi və e-mail vasitəsilə açıqlanır.
• Qəbul qiymətləndirməsinin nəticələri açıqlandıqdan sonra valideyn/qəyyum müqavilə şərtləri ilə tanış olmaq, müqaviləni imzalamaq və müvafiq sənədləri təqdim etmək üçün Kompleksə dəvət edilir.

*2024-2025-cü tədris ili üzrə Kompleksə qəbul 2024-cü ilin fevral ayında başlayır və yerlərin məhdudluğu səbəbi ilə müvafiq yerlər dolduqda başa çatır. 

Müəyyən şərtlər altında Kompleksimiz müraciətləri aşağıdakı şəkildə cavablandıra bilər:

Şərti təklif

Şagirdin qəbul qiymətləndirməsi nəticələrinə görə tələbləri tam qarşılamadığı, lakin müsbət dinamikanın olduğu müəyyən edilərsə, ailə tərəfindən əlavə dəstəyin təmin edilməsi və verilmiş müddətdən sonra yenidən qiymətləndirilməsi şərti ilə şagird Kompleksə qəbul edilir.

Gözləmə siyahısı

Müvafiq qrupda/sinifdə yer olmadıqda şagirdin gözləmə siyahısına qeyd edilməsi təklif olunur. Bu halda şagirdin Kompleksimizdə təhsilini başlamaq imkanı hər hansı bir şagirdin Kompleksdə təhsilini dayandırması və ya yeni qrup/sinfin açılması ehtimalı ilə müəyyən edilir. 

Müsbət cavab almayan şagirdlər

Nadir hallarda qəbul qiymətləndirməsində iştirak edən hər hansı bir şagird kompleksimizə qəbul olunmaya bilər. Bu ancaq aşağıdakı hallarda ola bilər:

• Ailə - məktəb əməkdaşlığı alınmadıqda;
• Şagirddə müsbət inkişaf dinamikasının müşahidə ediləcəyi gözlənilmədikdə;
• Şagirdin yaş səviyyəsi Kompleksdə təklif olunan qrup/sinfə uyğun olmadıqda;
• Şagirdin Kompleksin ünvanlaya bilməyəcəyi təhsil, təlim, davranış xüsusiyyətləri olduqda.

Ailə - məktəb əməkdaşlığı

Biz səmərəli ailə-məktəb əməkdaşlığı vasitəsilə öz övladlarının təhsil sahəsindəki uğurlarına dayaq olan, Kompleksimizin fəaliyyətini dəstəkləyən, açıqfikirli valideynləri salamlayırıq. Ailə - məktəb əməkdaşlığı şagirdlərin təhsil aldığı bölmədən və tədris dilindən asılı olmayaraq onların uğur əldə etmələri üçün mühüm amildir.

Valideynlər məktəbimizin fəlsəfəsini, tədris metodikasını, övladlarının təhsilini dəstəkləmək üçün uzun müddətli əməkdaşlığa hazır olmalıdırlar.

Övladları Heydər Əliyev adına Müasir Təhsil Kompleksində təhsil alan valideynlərin əsas öhdəlikləri bunlardır:

• şagirdin davamiyyətinin əla olmasına, məktəbə vaxtında gəlməsinə nəzarət etmək (davamiyyət göstəricisi 95%-dən az olmamalıdır);
• məktəb tərəfindən göndərilən elektron məktubları oxumaq və ehtiyac olarsa, cavablandırmaq;
• şagirdin evdə yerinə yetirilməsi üçün nəzərdə tutulan tapşırıqlarının yerinə yetirilməsinə nəzarət etmək;
• dərs ili ərzində ən azı dörd dəfə keçirilən valideyn iclaslarında və məktəb tərəfindən təşkil olunan təcili görüşlərdə iştirak etmək;
• Məktəbimizin tədris və davranış qaydalarına anlayışla yanaşmaq.

​